ក្រុមហ៊ុនតូតាល់កម្ពុជា (Total) បានដាក់ឲ្យដំណើរការប្រព័ន្ធថាមពលពន្លឺព្រះអាទិត្យនៅស្ថានីយស្តុកប្រេងរបស់ខ្លួនក្នុងអាកាសយានដ្ឋានអន្តរជាតិខេត្តសៀមរាប កាលពីម្សិលមិញនេះ ដោយពីមុន ស្ថានីយត្រូវពឹងផ្អែកទាំងស្រុងលើម៉ាស៊ីនភ្លើង ព្រោះមិនបានតភ្ជាប់នឹងអគ្គិសនីកម្ពុជា ហើយកម្មវិធីនេះ ក៏មានការចូលរួមពី៖លោកជំទាវ Eva Nguyen Binh ឯកអគ្គរដ្ឋទូតបារាំងប្រចាំកម្ពុជា
ឯកឧត្ដម ឌិត ទីណា រដ្ឋលេខាធិការក្រសួងរ៉ែ និងថាមពល
លោក សុខ ថុល តំណាងរដ្ឋបាលខេត្តសៀមរាប
លោក Olivier Chalvon Demersay អនុប្រធានប្រតិបត្តិការទីផ្សារ និងសេវាកម្មរបស់ Total ប្រចាំតំបន់អាស៊ីប៉ាស៊ីហ្វិក និងមជ្ឈិមបូព៌ា
លោក Asif Iqbal នាយកគ្រប់គ្រង Total លោក Eric Delobel អគ្គនាយកប្រតិបត្តិក្រុមហ៊ុនអាកាសចរណ៍កម្ពុជា និងភ្ញៀវកិត្តិយសជាច្រើន
លោក Olivier Chalvon Demersay អនុប្រធានប្រតិបត្តិការ APMO Total ប្រចាំតំបន់ បានឲ្យដឹងថា៖ "Total ក៏កំពុងអភិវឌ្ឍកម្មវិធីជាច្រើនទៀតសម្រាប់ការដំឡើងបន្ទះថាមពលពន្លឺព្រះអាទិត្យ (បន្ទះសូឡា) នៅតាមស្ថានីយដទៃទៀតទូទាំងប្រទេសនៅចុងឆ្នាំនេះ"។ការដំឡើងនេះ រំពឹងថានឹងចូលរួមកាត់បន្ថយការបញ្ចេញឧស្ម័ន CO2 របស់ស្ថានីយស្តុកប្រេង និងការចំណាយសម្រាប់ប្រតិបត្តិការពេលវែង ដែលឆ្លុះបញ្ចាំងពីការប្ដេជ្ញាចិត្តរបស់ក្រុមហ៊ុនក្នុងការលើកកម្ពស់ការប្រើប្រាស់ប្រភពថាមពលដែលស្អាត មិនប៉ះពាល់បរិស្ថាន ថាមពលដែលអាចកកើតឡើងវិញ និងអាចទុកចិត្តបាន។លោក Asif Iqbal នាយកគ្រប់គ្រង Total បាននិយាយថា៖ "ការសម្រេចគម្រោងនេះ ជាការឆ្លុះបញ្ចាំងពីការប្ដេជ្ញាចិត្តជាប្រចាំរបស់ Total ក្នុងការគាំទ្រដល់កិច្ចការសង្គម វប្បធម៌ និងបរិស្ថាននៅកម្ពុជា"។Total ជាក្រុមហ៊ុនឈានមុខមួយលើពិភពលោកផ្នែកផលិតថាមពលពន្លឺព្រះអាទិត្យ ដែលជាផ្នែកមួយនៃភាពជាដៃគូជាមួយក្រុមហ៊ុនថាមពលព្រះអាទិត្យ SunPower ហើយគម្រោងនេះ បានបំពាក់បច្ចេកវិទ្យា SunPower Maxeon ដែលបានប្រើប្រាស់ដោយណាសាក្នុងបេសកកម្មស្រាវជ្រាវ និងសិក្សាទៅកាន់ភពផ្សេងៗ។ប្រភព៖everyday news
No comments:
Post a Comment