លោក មាស សារិន ប្រធានសហព័ន្ធកីឡាទាញព្រាត់កម្ពុជាបានឲ្យដឹងថា តាមគម្រោងនឹងបញ្ជូនកីឡាករពីរក្រុមទៅចូលរួម គឺក្រុមបុរស និងក្រុមនារី សម្រាប់ការចូលរួមក្នុងព្រឹត្តិការណ៍ជើងឯកអាស៊ី និងជើងឯកអាស៊ីអាគ្នេយ៍នាពាក់កណ្ដាលខែធ្នូខាងមុខនេះ។ពាក់កណ្ដាលខែធ្នូ ឆ្នាំ២០១៧ នេះ កីឡាទាញព្រ័ត្ររបស់ប្រទេសកម្ពុជានឹងចូលរួមក្នុងព្រឹត្តិការជើងឯកអាស៊ីលើកទី១១ និងការប្រកួតជើងឯកអាស៊ីអាគ្នេយ៍លើកទី២ នៅប្រទេសថៃ។ប្រធានសហព័ន្ធរូបនេះបន្ថែមទៀតថា ចំពោះការប្រកួតជើងឯកអាស៊ី អាចនឹងពិបាកបន្តិចសម្រាប់កីឡាករកម្ពុជាព្រោះកម្រិតពួកគេខ្ពស់មិនថាបច្ចេកទេស ឬសមត្ថភាពនោះទេ ប៉ុន្តែការចូលរួមប្រកួតប្រជែងនេះដើម្បីជាបទពិសោធលើឆាកអន្តរជាតិ។ ជាក្ដីសង្ឃឹមបំផុតរបស់កីឡាករ កីឡាការិនីកម្ពុជានោះ គឺការប្រកួតជើងឯកអាស៊ីអាគ្នេយ៍ ព្រោះមានប្រទេសតិចចូលរួមប្រកួតប្រជែង រីឯសមត្ថភាពវិញគឺមិនខ្ពស់ជាងកម្ពុជាណាស់ណាទេ។កម្មវិធីប្រកួតជើងឯកអាស៊ីលើកទី១១ និងជើងឯកអាស៊ីអាគ្នេយ៍លើកទី២ នេះ នឹងប្រព្រឹត្តិទៅនៅថ្ងៃទី១៨ ដល់ ២២ ខែធ្នូ ឆ្នាំ២០១៧ នៅឯប្រទេសថៃ ហើយកីឡាករ កីឡាការិនីកម្ពុជាគ្រោងនឹងចេញដំណើរនៅថ្ងៃទី១៦ខែធ្នូ ដោយរថយន្តដើម្បីទៅចូលរួម៕ប្រភព៖Sabay
No comments:
Post a Comment