ពួកអ្នកវិទ្យាសាស្ត្រទើបនឹងប្រកាសនូវលទ្ធផល នៃការស្រាវជ្រាវថ្មីមួយ ដែលបង្ហាញថា បុរសនឹងមានហានិភ័យស្លាប់ខ្ពស់ ប្រសិនបញ្ចូលឈាមរបស់ស្ត្រីធ្លាប់មានគភ៌ ។ជាក់ស្តែង ពួកអ្នកស្រាវជ្រាវឱ្យដឹងថា អង់ទីគ័រក្នុងសរីរាង្គស្ត្រីធ្លាប់ មានគភ៌ នឹងបង្កជាប្រតិកម្មអសកម្ម ចំពោះសរីរាង្គបុរស និងថែមទាំងបណ្តាលឱ្យស្លាប់ ប៉ុន្តែស្ត្រីបែរជាមិនរងឥទ្ធិពលពេលទទួលឈាមរបស់ស្ត្រីធ្លាប់មានគភ៌ ។មូលហេតុស្លាប់ តែងជួបប្រទះ បំផុតគឺ របួសសួតធ្ងន់ធ្ងរធ្វើឱ្យអ្នកជំងឺមិនអាចដកដង្ហើម។ រឿងនេះពិតជាគួរឱ្យ បារម្ភពេលមានករណីបញ្ចូលឈាមប្រមាណពីរលាននាក់ក្នុងមួយឆ្នាំៗ នៅអង់គ្លេស ដែល អ្នកទទួលមិនដឹងថា អ្នកផ្តល់ឈាមជា បុរសឬស្ត្រី ។តាមរបាយការណ៍របស់សមាគមវេជ្ជសាស្ត្រអាមេរិក អត្រាបុរសស្លាប់ដោយសារទទួលឈាមពីស្ត្រីធ្លាប់មានគភ៌ បានកើនឡើងច្រើនក្នុងប៉ុន្មានឆ្នាំកន្លងទៅនេះ ហើយអត្រានេះ ខ្ពស់បំផុតប្រៀបនឹងចំនួនបុរសទទួលឈាមពីស្ត្រីពុំទាន់មានគភ៌ ។ក្រៅពីបញ្ហាប្រព័ន្ធស៊ាំស្ត្រី ប្រែប្រួលក្នុងពេលមានគភ៌បង្កឥទ្ធិពល អាក្រក់ដល់បុរស នោះការបកស្រាយមួយផ្សេងអាចដោយសារភាពខុសប្លែកគ្នាអំពីបរិមាណជាតិដែក រវាងបុរស និងស្ត្រីធ្លាប់មានគភ៌ ។អ្នកស្រាវជ្រាវបានព្រមានថា “នេះជាបញ្ហាបន្ទាន់មួយ ពួកអ្នកវិទ្យាសាស្ត្រត្រូវប្រញាប់ស្រាវជ្រាវ និងស្វែងរកបន្ថែមនូវភស្តុតាងច្រើនទៀត ។ ពេលកំណត់បានប្រាកដយន្តការបញ្ចូល និងទទួលឈាម ត្រូវតែផ្លាស់ប្តូរ” ៕
ប្រភព៖everyday news
No comments:
Post a Comment