ការអោប និងថ្នាក់ថ្នមទារកមិនគ្រាន់តែជាទម្លាប់ដែលម្តាយគ្រប់រូបត្រូវតែធ្វើទេ តែជារឿងធម្មជាតិ និងផ្តល់អត្ថប្រយោជន៍យ៉ាងសំខាន់សម្រាប់ម្តាយ និងកូនផងដែរ។ ដូចបងប្អូនធ្លាប់ដឹងរួចមកហើយថា នៅពេលសម្រាលកូនរួច ទារកតែងតែត្រូវបានលើកមកដាក់ក្រាបលើទ្រូងម្តាយភ្លាម។ ប៉ុន្តែបច្ចុប្បន្ននេះគឺមានការកែប្រែបន្តិចនៅតាមមន្ទីរពេទ្យ ឬគ្លីនិកភាគច្រើនដែលផ្តល់សេវាខាងសម្រាលកូន។ ធម្មតាពេលកូនកើតមកភ្លាម គ្រូពេទ្យត្រូវការចំណាយពេលពិនិត្យរាងកាយ បូមស្លេស្ម ថ្លឹងទម្ងន់ និងសម្អាតខ្លួនឲ្យរួចរាល់សិនទើបដាក់គេក្រាបបៅដោះម្តាយក្រោយ។ ប៉ុន្តែអ្វីដែលជាសំណួររបស់យើងនោះគឺថា ហេតុអ្វីបានជាការដែលឲ្យកូនកើតភ្លាមក្រាបពីលើទ្រូងម្តាយភ្លាមបែបនេះ គឺជារឿងមានប្រយោជន៍?ក្រោយពីកាត់ទងសុករួច ស្បូនស្ត្រីចាប់ផ្តើមកន្ត្រាក់ដើម្បីវិវឌ្ឈន៍ទៅរកភាពដើមវិញ ហើយក៏បង្ការកុំឲ្យធ្លាក់ឈាមទៀតដែរ។ ទោះបីជាយ៉ាងណាក៏ដោយ បើសិនជាស្បូនមិនកន្ត្រាក់ល្អតែ វាអាចបណ្តាលឲ្យធ្លាក់ឈាមកាន់តែច្រើន ហើយករណីនេះនឹងគម្រាមគំហែងដល់អាយុជីវិតម្តាយថែមទៀត។គេរកឃើញទៀតថា ស្ត្រីដែលមិនបានគេងអោបកូន និងបំបៅដោះកូនក្រោយសម្រាលរួចទេ គឺប្រឈមនឹងការធ្លាក់ឈាមក្រោយសម្រាលរួចរហូតដល់ពីរដងឯណោះ។គេរកឃើញទៀតថា ស្ត្រីដែលមិនបានគេងអោបកូន និងបំបៅដោះកូនក្រោយសម្រាលរួចទេ គឺប្រឈមនឹងការធ្លាក់ឈាមក្រោយសម្រាលរួចរហូតដល់ពីរដងឯណោះ។ការភ្ញោចតាមរយៈការប៉ះពាល់ស្បែក និងបំបៅដោះកូនកាន់តែលឿនក្រោយពីសម្រាលកូនរួច នឹងជួយរាងកាយស្ត្រីបញ្ចេញសារធាតុ អុកស៊ីតូស៊ីន ដែលជាអ័រម៉ូនជួយឲ្យមានអារម្មណ៍ល្អផង និងជំរុញដល់ការកន្ត្រាក់ស្បូនផង។ កាលណាស្បូនកន្ត្រាក់បែបនេះ វាប្រៀបបានទៅនឹងការច្របាច់ផ្លូវហូរឈាមក្នុងស្បូនឲ្យរួចតូចរហូតដល់បិទជិតតែម្តង។ អ័រម៉ូនអុកស៊ីតូស៊ីនក៏ជាអ័រម៉ូនជួយឲ្យអារម្មណ៍ល្អ និងសម្រួលដល់ការស្រឡាញ់រវាងម្តាយ និងកូនដែរ៕ប្រភព៖ health.com.kh
No comments:
Post a Comment