តាមសេចក្តីរាយការណ៍ ប៉ូលិសចិនបានទប់ស្កាត់ទាន់ពេលផែនការធ្វើឃាត លោក គីម ហានសូល (Kim Han Sol) ជាកូនប្រុសរបស់ លោក គីម ជុងណាម (Kim Jong Nam) ដែលត្រូវបានធ្វើឃាតនៅប្រទេសម៉ាឡេស៊ី កាលពីដើមឆ្នាំនេះ។ដោយដកស្រង់ប្រភពព័ត៌មានពីក្រុមមន្ត្រីទំនាក់ទំនងកូរ៉េខាងជើងនោះ សារព័ត៌មានកូរ៉េខាងត្បូង JoongAng Ilbo បាននិយាយថា ភ្នាក់ងារ៧នាក់ ដែលមកពីក្រុមភ្នាក់ងារចារកម្ម (ឬហៅថាការិយាល័យស៊ើបការណ៍សម្ងាត់) របស់រដ្ឋកុម្មុយនីស្តនេះ ត្រូវបានបញ្ជូនទៅក្រុងប៉េកាំង ដើម្បីតាមដាន លោក គីម ហានសូល។សារព័ត៌មាន JoongAng Ilbo បានរាយការណ៍ថា ២នាក់ក្នុងចំណោមក្រុមភ្នាក់ងារចារកម្ម៧នាក់នេះ ត្រូវបានចាប់ខ្លួនដោយប៉ូលិសចិន ។ ពួកគេនេះកំពុងត្រូវបានឃុំខ្លួននៅកន្លែងមួយនៅខាងក្រៅទីក្រុងប៉េកាំង ហើយការស៊ើបអង្កេតកំពុងធ្វើឡើង ។លោក គីម ជុង ណាម ដែលជាបងប្រុសម្តាយទីទៃរបស់លោក គីម ជុង អ៊ុន មេដឹកនាំកូរ៉េខាងជើងនោះ ត្រូវបានសម្លាប់នៅអាកាសយានដ្ឋានអន្តរជាតិក្រុងគូឡាឡាំពួ ប្រទេសម៉ាឡេស៊ី កាលពីថ្ងៃទី១៣ខែកុម្ភៈ ខណៈកំពុងរង់ចាំជិះយន្តហោះទៅទីក្រុងម៉ាកាវ ។បន្ទាប់ពីការស្លាប់របស់លោក លោក គីម ជុងណាម មកនោះ អតីតអ្នកការទូតកូរ៉េខាងជើងជាន់ខ្ពស់ម្នាក់បានព្រមានថា លោក គីម ហានសូល អាចនឹងជាអ្នកបន្ទាប់ គឺ អាចនឹងត្រូវបានសម្លាប់ផង ពីព្រោះលោក ជាអ្នករារាំងដ៏ធំមួយចំពោះការដឹកនាំអំណាចរបស់ពូរបស់លោកគឺ លោក គីម ជុងអ៊ុន៕ ប្រភព៖everyday news
No comments:
Post a Comment